’ن لیگ، پی پی قیادت کیسز میں نرمی مانگتی ہے‘

وزیراعظم عمران خان کے معاون خصوصی نعیم الحق نے کہا ہے کہ مسلم لیگ ن اور پیپلز پارٹی کی قیادت کیسز میں نرمی مانگتی ہے۔

جیو نیوز کے پروگرام نیا پاکستان میں میزبان شہزاد اقبال کے ساتھ گفتگو میں نعیم الحق نے انکشاف کیا کہ ن لیگ اور پیپلزپارٹی کے ارکان کیسوں میں نرمی کے لیے پیغامات بھیجتے رہتے ہیں۔

انہوں نے مزید کہا کہ مسلم لیگ ن اور پیپلز پارٹی قیادت کا سمجھوتے کا پیغام بھیجنا ہی این آر او مانگنا ہے۔

وزیراعظم عمران خان کے معاون خصوصی ایک موقع پر کہا کہ سمجھوتے کے پیغام بھیجنے والوں کے نام نہیں بتاسکتا۔