فٹبال میچ کے دوران آسمانی بجلی گرنے سے 2 کھلاڑی زخمی

آسمانی بجلی کی زد میں آنے والے 2 کھلاڑی شدید متاثر ہوئے جنہیں فوری طور پر قریبی اسپتال منتقل کردیا گیا

ویسٹ انڈیز میں فٹبال میچ کے دوران آسمانی بجلی گرنے سے 2 کھلاڑی شدید زخمی ہوگئے، جس کے بعد میچ کو فوراً روک دیا گیا تھا۔

غیر ملکی میڈیا کے مطابق ویسٹ انڈیز کے جزیرے جمیکا کے دارالحکومت کنگسٹن میں دو کالج ٹیموں کے دوران فٹبال میچ کھیلا جارہا تھا کہ آسمانی بجلی گرنے کا واقعہ پیش آیا۔ سوشل میڈیا پر وائرل ہونے والی ویڈیو میں دیکھا جاسکتا ہے کہ میچ کے دوران اچانک بجلی چمکی جس کے بعد 2 کھلاڑی اپنا سر پکڑ کر زمین پر گرگئے جس کے فوری بعد میچ روک دیا گیا۔

آسمانی بجلی کی زد میں آنے والے 2 کھلاڑی شدید متاثر ہوئے جنہیں فوری طور پر قریبی اسپتال منتقل کردیا گیا۔ متاثرہ کھلاڑیوں کو سینے میں درد کی شکایت بتائی جاتی ہے تاہم کھلاڑیوں کی حالت کے حوالے سے مزید تفصیلات معلوم نہیں ہوسکیں۔ مقامی میڈیا کے مطابق آسمانی بجلی گرنے سے3 مزید کھلاڑی بھی معمولی متاثر ہوئے تھے جنہیں گراؤنڈ میں ہی طبی امداد فراہم کردی گئی۔

شاید آپ یہ خبریں بھی پسند کریں

This website uses cookies to improve your experience. We'll assume you're ok with this, but you can opt-out if you wish. Accept