ٹیسٹ کا چوتھا روز؛ نیوزی لینڈ کے 4 وکٹوں پر 272 رنز

ابوظہبی ٹیسٹ کے چوتھے روز کھیل کے اختتام تک نیوزی لینڈ نے 4 وکٹوں کے نقصان پر 272 رنز بنا لیے ہیں اور کیوی ٹیم کو پاکستان کے خلاف 198 رنز کی برتری حاصل ہوگئی ہے۔

ابوظہبی کے شیخ زید اسٹیڈیم میں کھیلے جارہے میچ میں چوتھا روز کیوی بلے بازوں کے نام رہا، نیوزی لینڈ نے آج دوسری اننگز میں 2 وکٹوں کے نقصان پر 26 رنز سے کھیل کا آغاز کیا تو یاسر شاہ نے سومر ولی کو ایل بی ڈبلیو کرکے تیز ترین 200 وکٹیں حاصل کرنے کا 82 سال پرانا ریکارڈ توڑ دیا۔ پھر شاہین شاہ آفریدی کی گیند پر ٹیلر کیچ آؤٹ ہوگئے۔

60 رنز پر 4 وکٹیں گنوانے کے بعد کپتان کین ولیمسن اور نکولس نے ذمہ دارانہ بیٹنگ کرتے ہوئے مجموعے کو 272 تک پہنچا دیا، دونوں بلے بازوں کے درمیان اب تک 212 رنز کی قیمتی پارٹرشپ ہوچکی ہے، آج جب کھیل ختم ہوا تو ولیمسن 139 اور نکولس 90 رنز پر ناٹ آؤٹ پویلین لوٹے۔

نیوزی لینڈ کو پاکستان کے خلاف 198 رنز کی برتری حاصل ہوگئی ہے جب کہ میچ ڈرا کی صورت اختیار کرسکتا ہے۔

شاید آپ یہ خبریں بھی پسند کریں

This website uses cookies to improve your experience. We'll assume you're ok with this, but you can opt-out if you wish. Accept