دنیا کے سب سے چھوٹے جہاز کی پہلی اڑان

دنیا کے سب سے چھوٹے جہاز نے پولینڈ کی فضاؤں میں پہلی اڑان بھرکر سب کو حیران کردیا۔

تفصیلات کے مطابق چھوٹا سا جیٹ طیارہ ایک منٹ میں پانچ ہزار نوسوفیٹ بلندی پر پہنچ سکتا ہے، سات سوکلو وزنی جہاز میں پانچ افراد سفر کرسکتے ہیں۔

غیر ملکی خبر رساں ادارے کا کہنا ہے کہ اس جہاز کی ایک اور خاص بات یہ ہے کہ اس کا اندرونی حصہ کسی لکژری کار کی طرح ڈیزائن کیا گیا ہے۔

پانچ سیٹوں پر مشتمل اس جہاز کو جنوب مشرقی پولینڈ میں قائم زائی لوناگورا نامی ایئرپورٹ پر اڑایا گیا جسے دیکھنے والے دنگ رہ گئے، جہاز کا وزن 700 کلو گرام ہے۔

دنیا کے سب سے چھوٹا جہاز کی مالیت تقریباً دو ملین یورو ہے، اس جہاز کو تیار کرنے والی کمپنی کا کہنا ہے کہ مستقبل میں اسی طرز کے مزید طیارے بنائے جائیں گے۔

کمپنی کا کہنا تھا کہ رواں سال ہی مذکورہ طرز کے مزید جہاز تیار کرکے فروخت کے لیے پیش کیے جائیں گے، اس کو بنانے میں اعلیٰ اور جدید قسم کے دھات استعمال کیے گئے ہیں۔

اپنی نوعیت کے اس منفرد جہاز نے جہاں پولینڈ میں دھوم بچائی ہے بلکہ دنیا بھر میں لوگ اس کی واہ واہ کرنے پر مجبور ہیں، جبکہ سوشل میڈٰیا پر بھی صارفین خوب پسند کررہے ہیں۔

You might also like