پاکستان نے ٹیکنالوجی کی دنیا میں میدان مار لیا

پاکستانی ٹیلی کمیونی کیشن اتھارٹی (پی ٹی اے) نے پاکستان میں فائیو جی کو پاکستان میں متعارف کرانے کا فریم ورک پیش کر دیا ہے۔

دنیا میں تیز ترین انٹر نیٹ کا بہت سے ملک استعمال کر رہے ہیں اور اب پاکستان بھی اس ٹیکنالوجی سے فائدہ اٹھانے کیلئے تیار ہے۔ ملک میں انٹرنیٹ استعمال کرنے والوں کی تعداد میں ہوشربا اضافے اور تیزتر رفتار کی خواہش کے باعث ہواوے کے لیے یہاں 5جی متعارف کرانے کے لیے ماحول سازگار ہے جس کے باعث اس کے تیزی سے مقبول ہونے کے امکانات روشن ہیں۔ہواوے کمپنی کی تیارکردہ یہ ٹیکنالوجی اپنی تیز رفتاری کے باعث اور آواز و تصویر میں تاخیر کی خامی سے پاک ہونے کے باعث پوری دنیا میں انقلاب لانے کی اہلیت رکھتی ہے۔پی ٹی اے کے مطابق آغاز میں اسے غیرتجارتی بنیادوں پر آزمائشی طور پہ شروع کیا جائے گا تاکہ پورے ملک میں پھیلانے سے پہلے اسے پرکھا جا سکے۔

حکومت پاکستان نے فیصلہ کیا ہے کہ وہ اس عمل میں شروع سے ہی ایسی تمام کمپنیوں کو مدعو کرے گی جو سیکیورٹیز اینڈ ایکسچینج کمیشن آف پاکستان (ایس ای سی پی) یا پاکستان انجینرننگ کونسل (پی ای سی) میں رجسٹرڈ ہوں گی۔

You might also like